Homo digitalis ǀ Convegno dal 7. e 8 oct. 2021 a Brig

DEFRITRM


Convegno 2021 Logo de zugeschnitten

Convegno 2021: “Homo digitalis - tge munta la plurilinguitad per el?”

Las scolas autas da pedagogia dals trais chantuns Vallais, Grischun e Tessin organiseschan sut il num «Convegno sul plurilinguismo» mintga dus onns ina dieta davart il plurilinguissem. Il «Convegno 2021», organisà da la SAP dal Vallais envida perscrutadras e perscrutaders, persunas d’instrucziun ed ulteriuras specialistas e specialists da sa confruntar cun dumondas da la promoziuns da la chapientscha linguistica e culturala  en in mund digital.

Las midadas digitalas penetreschan entant tut ils secturs da nossa societad e midan dapi ils ultims dus decennis la convivenza e la communicaziun da maniera fundamentala. Da quai resultan dumondas davart la communicaziun linguistic-culturala e davart settings d’emprender correspundents. Il simposi spezialisà metta en il center las suandantas dumondas.

  • Tge potenzial han medias e resursas digitalas per l’emprender e l’instruir en contexts plurilings e multiculturals?
  • En tge moda ed en tge contexts d’acquist resp. d’emprender – formal, informal, nun-formal – vegnan duvradas medias digitalas per la communicaziun cultural-linguistica?
  • Co èn las experientschas cun concepts experimentads en la pratica areguard il diever da resursas digitalas per la promoziun da la plurilinguitad?
  • Tge sfidas sa dattan en la scolaziun ed en il perfecziunament da las docentas e dals docents sco era per la perscrutaziun ed il svilup?
  • Nua èn las sfidas e las ristgas da la digitalisaziun da contexts d’instruir e d’emprender en il champ da la plurilinguitad?

Purtaders da l’occurrenza èn las scolas autas da pedagogia dals trais chantuns Vallais, Grischun e Tessin. Sut il num « Convegno sul plurilinguismo » organiseschan ellas dapi 2012 en il ritmus da dus onns ina dieta davart la plurilinguitad. Cun l’organisaziun e la coordinaziun per il „Convegno“ dal 7. e 8 d’october 2021 a Brig s’occupa questa giada la SAP Vallais

Finamira da la dieta èsi da discutar questas dumondas tant cun contribuziuns teoretic-concepziunalas sco era empiricas e da la pratica e da mussar, discutar e sondar pussaivladads per il svilup e la promoziun da la plurilinguitad en il context da la digitalisaziun.

Public en mira: La dieta sa drizza a persunas d’instrucziun futuras ed a pratitgantas da tut ils stgalims da scola, a docentas e docents sco era a collavuraturas e collavuraturs scientifics da scolas autas. Plinavant era a manadras e manaders da curs e persunas responsablas dad instituziuns en ils champs lingua, ICT, interculturalitad e.a.

Program da la dieta: El cumpiglia referats, referats curts, workshops, stans da poster e da martgà sco era occasiuns da barat informals. La dieta duai porscher spazi per la discussiun e per activitads da rait. Ultra da contribuziuns scientificamain spezialisadas e didacticas, enritgeschan intervenziuns culturalas sco era excursiuns extra-muros il program da la dieta.

Medias digitalas, concepts didactics, instruments e metodas na muntan betg be l’accent tematic da la dieta davart la promoziun da la plurilinguitad, els fan era part da l’organisaziun da la dieta.

Lingua da la conferenza: Sco tar ils „Convegnos“ d’enfin ussa èn tudestg, franzos e talian da princip las linguas da contribuziun e da conferenza. Per las preschentaziuns durant la dieta èn planisads servetschs da support per la plurilinguitad (p.ex. documentaziun en scrit tar las contribuziuns da dieta en mintgamai duas linguas). Dumondas e contribuziuns da discussiun san ins far per tudestg, franzos, talian e rumantsch.

Publicaziun: Igl è previs da rimnar las contribuziuns da la dieta e da las metter a disposiziun en furma adattada al public ed a circuls d’expert interessads. La furma specifica (internet, registraziuns da video, cudesch da la dieta, carnet spezial en ina revista sco per exempel Babylonia 2/2022 e.a.) vegn anc precisada.

Call for Papers

Thematisch-konzeptioneller Rahmen der Tagung (auf Deutsch)


Ils referats principals ed ulteriuras occurrenzas dal Convegno s’orienteschan als suandants  champs tematics:  „plurilinguitad / interculturalitad“, „process d’instruir e d’emprender en differents lieus d’emprender“ e „digitalisaziun/cultura da la digitalitad“. Quests temas sa cruschan, lur surposiziun entamez represchenta il tema da la dieta. La plurilinguitad e l’interculturalitad resp. l’emprender l’instruir en differents lieus d’emprender fan part gia en il temp „pre-digital“da la discussiun da furmaziun. Cun las midadas digitalas resultan dumondas davart la communicaziun linguistic-culturala en ina moda actuala. Era las dumondas nua e co ch’ins acquista ed intermediescha cumpetenzas linguisticas survegnan tras l’existenza da resursas e medias digitalas ina nova dimensiun cun circumstanzas e pretensiuns transfurmadas..

Propostas per contribuziuns pon vegnir inoltradas. Acceptadas vegnan tant contribuziuns teoretic-concepziunalas sco era talas basadas empiricamain resp. cun relaziun a la pratica. Inoltrar san ins contribuziuns en ils suandants formats:

  • contribuziuns singulas cun connex al tema da la dieta
  • simposis pitschens per preschentar e discutar duas fin trais contribuziuns tematicamain coordinadas
  • ateliers per lavur da la pratica davart in aspect specific areguard il tema da la dieta
  • poster u stan cun connex al tema da la dieta

I comité scientific examinescha e valitescha las contribuziuns en in proceder da Peer-Review.


Lingua da la conferenza

Sco tar ils „Convegnos“ d’enfin ussa èn tudestg, franzos e talian da princip las linguas da contribuziun e da conferenza. Per las preschentaziuns durant la dieta èn planisads servetschs da support per la plurilinguitad (p.ex. documentaziun en scrit tar las contribuziuns da dieta en mintgamai duas linguas). Dumondas e contribuziuns da discussiun san ins far per tudestg, franzos, talian e rumantsch.


Planisaziun da termins

1. november 2020 - 28. favrer 2021   inoltraziun da las contribuziuns
fin la fin mars 2021   evaluaziun tras il comité scientific e resun
15. matg 2021   infurmaziun davart la dieta / termin d’annunzia: 31 d’avust 2021
7./8. october 2021   Convegno a Brig
cudesch da la dieta ed autras furmas da publicaziun da las contribuziuns da la dieta, per exempel Babylonia 2/2022 e.a.

Propostas per contribuziuns

sin la pagina ConfTool: www.conftool.net/homo-digitalis-2020


Formats da las contribuziuns

Contribuziun singula (25 minutas + 10 minutas discussiun)

Per inoltrar contribuziuns singulas dovri las suandantas indicaziuns:

• Titel da la contribuziun (max. 150 segns incl. spazis)
• Num dal referent/da la referenta (incl. e-mail, instituziun)
• Resumaziun (max. 350 pleds, incl. indicaziuns bibliograficas, max. 3 publicaziuns tenor la norma dad APA)
• Chavazzins: fin 5 chavazzins separads tras commas

 

Minisimposi (120 minutas)

Minisimposis consistan da 3 contribuziuns tematicamain adattadas da divers projects resp. diversas instituziuns. L’organisaziun, la coordinaziun e la moderaziun dal minisimposi sa defineschan tras:

• Titel dal minisimposi
• Num da la persuna che moderescha (incl. e-mail, instituziun)
• Resumaziun (max. 350 pleds, incl. indicaziuns bibliograficas: max. 3 publicaziuns tenor la norma dad APA; Chavazzins: fin 5 chavazzins separads tras commas)
• Per mintga contribuziun: referent(a)s, titel, resumaziun (max. 250 pleds, incl. indicaziuns bibliograficas, max. 3 publicaziuns tenor la norma dad APA; Chavazzins: fin 5 chavazzins separads tras commas)

Atelier / workshop (80 minutas)

Ateliers u workshops pussibiliteschan suenter in curt input da s’occupar da maniera intensiva e cun connex pratic dal tema correspundent e porschan impuls per l’instrucziun e concrets tips didactics:

• Titel dal atelier/workshops (max. 150 segns incl. spazis)
• Nums da la(s) persuna(s) che mainan l’atelier (incl. e-mail, instituziun)
• Resumaziun (max. 350 pleds, incl. indicaziuns bibliograficas: max. 3 publicaziuns tenor la norma dad APA)
• Chavazzins: fin 5 chavazzins separads tras commas

Poster / stan d'infurmaziun

Posters resp. stans d’infurmaziun preschentan projects adattads davart il tema da la dieta (planisads, currents, finids) e pussibiliteschan en il rom dad in’exposiziun in barat spontan ed informal.

• Titel dal poster (max. 150 segns incl. spazis)
• Num(s) da la(s) persuna(s) (incl. e-mail, instituziun)


Comité scientific

  • Dr. Edmund STEINER, Pädagogische Hochschule Wallis (Leitung)
  • Prof. Dr. Klaus-Börge BOECKMANN, Pädagogische Hochschule Steiermark
  • Prof. Dr. Luca BOTTURI, Dipartimento formazione e apprendimento della SUPSI
  • Dr. Damien CARRON, FernUni Schweiz
  • Prof. Dr. Rico CATHOMAS, Scola auta da pedagogia dal Grischun
  • Dr. Susanne GRASSMANN, wissenschaftliche Leiterin Verein Lernbild
  • M.A. Isabel HOFFMANN, Institut für Deutsch als Fremdsprache LMU München
  • Prof. Dr. Stefano LOSA, Dipartimento formazione e apprendimento della SUPSI
  • Dr. Alain METRY, Pädagogische Hochschule Wallis
  • Dr. Valérie MICHELET, Haute école pédagogique du Valais
  • M.A. Corinne RAMILLON, Haute école pédagogique du Valais
  • M.A. Bernhard ROTZER, Pädagogische Hochschule Wallis
  • Prof. Dr. Vincenzo TODISCO, Alta scuola pedagogica dei GRIGIONIE
  • Dott.ssa Gabriella VERNETTO, Assessorat de l'éducation, de l'Université, de la recherche et des politiques de jeunesse de la Vallée d’Aoste
  • lic. phil. Michael ZURWERRA, Fernfachhochschule Schweiz (FFHS)
  • Dr. Isabelle CAPRON PUOZZO, Haute école pédagogique du Valais
  • Dr. Coralie CLERC, Haute école pédagogique du Valais
Programm | Programme | Programma | Program
Hauptvorträge | Les conférences-clés | I discorsi principali | Keynotes


Donnerstag | Jeudi | Giovedì | Gievgia ꟷ 7. october 2021

09.30-10.30 Empfang | Accueil | Accoglienza | Bainvegni
10.30-11.15 Offizielle Eröffnung | Ouverture officielle | Apertura ufficiale | Avertura uffiziala
Grussworte und szenische Einstimmung | Mots de bienvenue | Discorso di benvenuto
11.15-12.15 Keynote: Prof. Dr. Daniel ELMIGER, Université de Genève (FR)
Le numérique dans l'enseignement/apprentissage des langues: nouvelles promesses et anciens désenchantements
12.15-13.45 Buffet
13.45-15.00 Sessione A: Contributi individuali & Workshops
15.00-16.00 Agora mit Poster & Infoständen
16.00-16.30 Teatime
16.30-17.30 Keynote: Prof. Dr. Massimo SALGARO, Università di Verona (IT)
Il cervello antico dell'homo digitalis. Leggere e studiare nell'era del digitale.
  Hotelbezug
19.30 Gesellschaftlicher Abend mit Nachtessen
Animations culturelles avec Carine Tripet Lièvre, Estelle Revaz & Andreas Weissen

 

 

 


Freitag | Vendredi | Venerdì | Venderdi ꟷ 8 october 2021

08.30-10.30 Session B: Minisymposien & Workshops
10.30-11.00 Kaffeepause | pause-café | pausa caffè | pausa da café
11.00-12.00

Keynote: Prof. Dr. Julia KNOPF, Universität des Saarlandes (DE)
Konkret, digital und innovativ. Perspektiven des Sprachenlernens entlang der lebenslangen Bildungskette
12.00-12.30

Offizieller Abschluss | Clôture officielle | Chiusura ufficiale | Finiziun uffiziala
Bilanz und szenischer Ausklang
12.30-13.45 Apéro riche
14.00


Excursions & Explorations extra-muros mit Bezug zum Tagungsthema:
Giro turistico della città, Museumsbesuche, visite guidée artistique, Dégustation de vin, kleine Herbstwanderung, Tour de ville musicale, Vista oltre il paese, Spurensuche im Wallis zu Rilke, Chappaz & Bille, etc.

L’annunzia online è pussaivla davent dal 15. matg 2021.

Viadi e lieu da la dieta

Il lieu da la dieta è cuntanschibel davent da la staziun entaifer 5 minutas.

Il bajetg da la dieta sco er ils hotels reservads èn inditgads sin la charta.

 

 

 


Pernottaziun
Ils contingents èn reservads en ils suandants dus hotels:

Per ulteriuras pussaivladads d’alloschi visitai per plaschair la pagina da Brig Tourismus.


Kontakt
Anita Jovanovska
PH-VS
Convegno "Homo digitalis"
Alte Simplonstrasse 33
CH - 3900 Brig

 

 

logo HEPVS PHVS complet

logo SUPSI 60mm ITALIANO

PHGR Logo CMYK